Crónica

BELÉN de CUMES 2019, A FROUXEIRA.


Como xa vén sendo tradición por estas datas, subímonos a unha cima e deixamos colocado o nacemento todo o Nadal, para este ano escollemos de novo A Frouxeira, debido ao mal tempo que levamos padecendo máis de mes e medio, están todos os camiños e prados cheos de auga.


Este ano non tivemos que suspender ou cambiar ningún roteiro por causas meteorolóxicas, pero con esta dado que había unha alerta laranxa cambiámola do sábado para o domingo, xa que daban unha melloría notable no tempo, ese cambio de data fixo que o número de participantes diminuíse drasticamente, pero os que fomos, fomos a gozar como sempre da natureza, camiñar en compañía e nesta ocasión co aliciente de montar un Belén.


Xuntámonos despois das últimas casas de Santa Cecilia, de camiño á Frouxeira, no cruzamento da estrada de subida e unha pista que se desvía á esquerda. Imos subindo aos poucos, o día está nubrado non fai frio pero aínda hai algo de vento, así ata chegar á cima, baixo unhas rocas grandes que simulan unha cova, os participantes mais mozos colocan as figuras, casiñas e o portal como máis lles gusta. Facemos algunhas fotos, contemplamos as magnificas vistas da comarca que desde aquí temos, comemos unhas rosca que nos fixo Joselina, dámoslles unhas chupetadas aos mais benjamines, brindamos polas festas e o ano novo e como fai algo de vento descendemos uns metros, para preparar a sorpresa que temos para o descenso aos nenos. Son uns paus cunha luz led colgada dun cable cun interruptor, que introducimos nun globo transparente cheo de confeti dourado para iluminar o camiño de baixada xa que nos vai a pillar a noite.


Chegamos onde temos os coches e despedímonos.


Bo nadal e prospero ano novo.


Un saúdo.


Morís.