Crónica

FIN DE SEMANA EN SALAMANCA


Este ano a viaxe da fin de semana foi por terras salmantinas, visitamos Salamanca, La Alberca, Cidade Rodrigo, fixemos unha ruta polo parque natural das Arribes do Douro, camiñando e en catamarán e rematamos cunha visita a Zamora.


O sábado pola tarde visitamos a cidade de Salamanca cunha guía que nos amosou parte dos tesouros artísticos e as súas curiosidades, foi un percorrido pola cidade moi ameno.


Para o domingo desprazámonos dende Salamanca capital, que foi a nosa base loxística, ata o Parque Natural Das Arribes do Douro, para facer a nosa ruta de sendeirismo. Un fermoso e soleado día, comezamos a camiñar en Masueco e percorrendo a Senda de Unamuno, así chamada por ser o camiño que percorría para poder quedar abraiado da súa beleza e espectacularidade, chegamos o Pozo dos Humos, espectacular fervenza cunha caída de uns 50m. aproveitamos para facer unha chea de fotos, intentando deixar reflectido a beleza do entorno, dende este punto ascendemos ata o aparcadoiro da fervenza para logo continuar por camiños rurais ata, a Cola de Cabalo o Fervenza de Pinero, atravesamos oliveiras milenarias, percorremos un sendeiro casi obstruido pola vexetación, aciñeiras, madroños, castiñeiros, etc, sobre as nosas cabezas sobrevoan voitres, aguilas reais , cigueñas, temos unhas vistas impresionantes do canon do Douro e do Uces, e así chegamos a fervenza, pasase por detrás dela, a auga fai unha fermosa cortina que nos salpica e refresca.

 SAM_0095  IMG_20160515_105528  IMG_20160515_121244  IMG_20160515_125403


Xantamos en Aldeadávila de la Ribera, o rematar dirixímonos cara a Praia do Rostro, onde un catamarán nos fará un recorrido de 22Km, por este fermoso canon do Douro, a guía ensinaranos as arbores e plantas do lugar, as aves e animais da zona, e como vivían antano as xentes deste lugar, todo o recorrido e por augas internacionais, xa que o Douro e fronteira entre Portugal e España. A tardiña regresamos a Salamanca, ducha e gozar da cidade.
Na xornada do luns desprazámonos pola dehesa salmantina, visitamos Cidade Rodrigo, percorremos as súas rúas ollando os restos do seu pasado medieval, dende aquí dirixímonos cara a Alberca para xantar e ver este pobo turístico e pintoresco, de novo a tardiña ducha no hotel e gozar do ambiente de Salamanca.


O martes día das letras galegas emprendemos o regreso cara a casa, xantar e visita a Zamora, poñendo así fin a este fermoso fin de semana, tanto polo que fixemos como polo tempo meteorolóxico.


Grazas a todos polo fantástico fin de semana,

Un saúdo,
Morís.