Crónica
O roteiro deste mes coincide co día despois da cicloxenesis explosiva, o que fixo minguar o número de camiñantes, resistimos 20.
Comezamos no portiño de Morás
fronte á fabrica de Alcoa. Ó
baixarnos do bus caían unhas
finas pingas, pouco duraron, o
que nos permitiu gozar dun día
sen auga e cunha temperatura
perfecta para camiñar.
Fumos ó son dos cantís de Morás,
contemplando a bravura do mar no
seu bater nas rochas. Nestes
comenzos imos camiñando rodeados
por toxos mais altos ca nos. No
chan, aínda se podían ollar os
restos que deixaron os fortes
ventos do día anterior, ramas,
cortizas das arbores, piñas.
 |
 |
 |
 |
Cando chegamos a Portocelo,
fixemos unha pequena parada en
boxes, para repoñer folgos e
tomar un pequeno refrixerio.
Saímos cara ás ruínas da igrexa
de San Tirso, do século VIII,
para continuar cara ó faro de
punta Roncadoira, feito por Cane,
focense de pro. Dende o faro
puidemos ver a Estaca de Bares e
con unha pouca de bruma,
puidemos intuír o cabo de Busto
que foi o andareiro do mes de
decembro.
E así pasiño a pasiño, atraves
de montes chegamos á praia de
Esteiro, lugar de culto para os
surfeiros. Onde pillamos o bus
para ir cara o restaurante, os
faroles, onde xantamos. Unha vez
enchemos o bandullo, diriximonos
cara a Foz para rematar a nosa
primeira andaina do 2013.
Vémonos o 24 de Febreiro por
terras de Betanzos.
Un saudo,
Morís.