Crónica

Ruta Supena, Mondoñedo

Para o roteiro deste mes dirixímonos a terras mindonienses, adaptaremos partes de varios roteiros para facer unha a medida, este roteiro foi unha proposta e deseñado polo noso amigo Raúl de Mondoñedo, puxémoslle este nome por que é o que recibe a ampliación da roteiro da auga.


Nesta ocasión por motivo das restricións covid, temos que chegar cada un no seu coche, sen compartir, e cumprir co resto do protocolo. Ás 9:30 h concentrámonos diante do seminario, dirixímonos á Fonte Vella, onde facemos a foto de grupo, e damos as instrucións pertinentes para a marcha de hoxe. Saímos polo Camiño de Santiago, camiñamos por asfalto, imos pasando as distintas aldeas que están neste trazado, e pasado Maariz desviámonos á esquerda, cara a Supena, baixando ata o río, é neste punto onde collemos o bucle novo, do roteiro.


Toca cruzar o río e meterse en senda de monte, dun nun, rodeados de castiñeiros, carballos, acivros, bidueiros, amieiros e así co rumor da auga relaxando o paseo, imos pasando por distintas aldeas, Vilar, Casabella, Pacios, Pausalido, Orxal, os accesos a Cova do Rei Cintolo, para volver a Supena. Este bucle permite ver o val desde as dúas ladeiras e como o día esta espectacular, temos unhas magnificas panorámicas. Agora seguindo a corrente do río, encamiñámonos a Mondoñedo, pasando por unha explotación mineira abandonada, seguimos camiñando e paso a paso chegamos ao lugar da partida.


Magnifico día, grazas a todos por este domingo distinto.


Un saúdo. Ata a próxima.

Un saúdo
.


Morís.