Crónica

Este ano abrimos a tempada de verán ca ruta Pico da Lebre, saímos de diante da casa do concello como é costume, para dirixirnos cara o derradeiro cumio do concello que nos quedaba para facer nos sábados de verán.

O día amenceu nubrado, pero a medida que ían pasando as horas foi despexando, subimos polo carreiro que dende o colexio do Pilar vai cara o cemiterio, pasamos polo Castro, antiga propiedade dos conde de Fontao, atravesamos a Veiga da Sara ata a estrada do Santo, pola que subimos ata a capela do Bispo Santo, onde fixemos a foto de grupo como é costume, aquí cóllemos cara o mirador do Pico da Lebre, pero antes de chegar a el collemos unha pista de zahorra que nos queda na dereita, pista que bordeando a montaña nos lebará ata a cantera do Seixo, neste camiñar temos unhas fermosas vistas de Forxan, Fazouro e parte da costa ata Tapia, aprovéitase para sacar fotos e gozar da panorámica, o camiño segue ascendendo, ten menos sombra xa que está cortada moita madeira.

Dende a canteira iniciamos o derradeiro treito de ascensión cara a cima, onde se atopa o vértice xeodésico, temos unha estampa da zona impresionante, vemos a ría, Foz, Vilaronte, Santacilla, toda a costa ata Tapia.

Aprovéitamos para tomar algo e beber e desta forma repoñer folgos, agora comezamos o descenso, cando estamos preto do mirardor do Pico da Lebre, atopamos dous vertedoiros incontrolados, que uns desalmados e malos veciños botaron alí, todos comentan como é posible que isto ocorra en Foz, onde temos punto limpo e se recollen trastos por parte do concello nas casas, e todo de gratis.

Seguimos baixando cara a capela e dende alí ata o concello fin da ruta.

Nesta ocasión baixou o número de participantes, cremos que é por ter que pagar 4€, os non federados, para o seguro de accidentes que obriga a nova lei do deporte galego.

Un saúdo e ata a vindeira.

Morís.