Crónica
Sábados de Verán 28 Xullo, Mirador de Comado
Para esta segunda
ruta de verán, escollemos
dirixirnos o concello veciño de
Barreiros e facer a ruta Mirador
de Comado.
Comezamos en Remourelle, o día
amence cuberto, cun unha néboa
que por veces molla, baixamos do
bus e imos cara a cima da ruta
de hoxe, o pico Penalonga, o
mais alto do concello de
Barreiros,a pista é de zahorra,
e vai subindo cunha pendente
fácil de subir, e así pasiño a
pasiño chegamos a cima de
Penalonga, onde ollamos os
restos das Mamoas, e lamentamos
que a climatoloxía non nos
acompañe, xa que non podemos ver
as magnificas vistas que dende
este punto se amosan, toda a
comarca dende Burela ata a costa
asturiana así como o interior.
Baixamos un pouquiño e chegamos
o Mirador de Comado seguimos sen
poder gozar en plenitude da
panorámica, facemos unha foto de
grupo e algunha mais, para
comezar o descenso.
O descenso nalgún punto tornase
empinado pero é asumible,
ollando as nosas costas vemos de
onde vimos, imos rodeados de
arbores, ata chegar a Roda,
xacemento arqueolóxico esquecido
polas administracións, único en
Galicia, falamos do Circulo
Litico da Roda, facemos unha
parada para comer algo e repoñer
folgos, facer unhas fotos do
sitio, e logo recibir unha
explicación da importancia do
sitio por parte de Emilio
Piñeiroa, o cal agradecemos
moito polo amena e didactica,
notase a súa profesionalidade e
que o tema o apaixona, xa que é
mestre retirado.
Continuamos a marcha cara o
campamento xuvenil da Devesa, e
dende aquí dirixímonos cara a
costa o paseo marítimo que se
dirixe cara as Catedrais, pero
nos imos na outra dirección cara
a praia de Arelonga onde remata
a ruta de hoxe.
Un día perfecto en boa compaña.
Ata a vindeira.
Un saúdo.
Morís.