Crónica
RUTA DO VENTO E VILAPENA
Este ano para a
visita dos nosos amigos do MIES
de Oviedo, escollemos unha ruta
por Trabada, a mestura de parte
de dúas rutas moi bonitas, a de
O Vento e a da Fraga de
Vilapena.
Xuntámonos no Asador e desde alí
dirixímonos ao lugar de partida
da ruta de hoxe, a área
recreativa de Chao do Couso.
O día na costa está nubrado,
pero aquí loce o sol xa que
estamos por encima das nubes,
fai boa temperatura para
camiñar, saímos costa arriba o
grupo en dirección ao alto de
Cerrochan, mágoa que aínda haxa
algunha nube que non nos permita
gozar das impresionantes vistas
desde este alto, polo camiño
vemos as obras de instalación
dun parque eólico, agora toca
comezar o descenso, que nos
achegase a unha canteira
abandonada, seguimos camiñando
rodeados de piñeiros, carballos,
castiñeiros, acivros, que fan
moi agradable a marcha,
sorteamos zonas cheas de auga e
barro, pasamos varias fontes ata
chegar ao refuxio, será aquí
onde comamos algo e onde nos
dividiremos en dous grupos, un
grupo irá pola pista na que
estamos sen descender, para que
a ruta sexa máis curta e liviá,
os outros descenderemos para
meternos de cheo na Fraga de
Vilapena, camiñaremos mais e
terá algo máis de dificultade,
pero merece a pena. Esta fraga é
fermosa, coas súas árbores
autóctonas, os seus brións e
líquenes, as súas correntes de
auga, fan un camiñar moi
pracenteiro, unha vez chegamos
ao rego de Vilaforman, toca
ascender para chegar ao lugar de
partida, a área recreativa do
Chao do Couso, onde nos esperan
os buses para levarnos a comer.
A comida de confraternidade
farémola en Trabada, repoñeremos
forzas, intercambiaremos
impresións do día e do que
sucedeu desde que nos vimos o
ano pasado. Á hora do café unhas
breves palabras de agradecemento
e entrega dun recordo do día,
unha figura de Otero Regal,
quedando emprazados para final
de ano por terras Asturianas
para devolver a visita.
Magnifico día, grazas a todos e
ata a próxima.
Morís.